Brahîmê Alûcî براھیمێ ئالووجی

Destpêk Ziman ne tenê amûreke ragihandinê ye; ew bingeha avakirina derûnê ( psyche ), nasnameyê ( identity ) û xwebûnê ( self ) ye. Di çarçoveya derûnkolîneriyê ( psychoanalysis ) de, têkiliya di navbera ziman û derûnê de yek ji mijarên herî bingehîn û kûr e. Derûnkolînerî ku ji aliyê Sigmund Freud ve di dawiya sedsala nozdehan de hate damezrandin, xwe dispêre vê têgihiştinê ku hêz û şiyana gihiştina hişmendiyê ( consciousness ) û derhişiyê ( unconscious ) bi rêya ziman û gotinê pêk tê. Di vê nivîsa kurt û kurmancî de, em ê têkiliya di navbera ziman û derûnkolîneriyê de, bandora zimanê dayikê ( mother tongue ) li ser avakirina derûnê û rola zimên di derûnterapiyê ( psycotherapy ) û têgihiştina derhişiya takekesane ( personal unconscious ) û derhişiya hevpar ( collective unconscious ) de bişopînin û ronî bikin. Ziman Weke Bingeha Derûnê Li gorî Jacques Lacan, derûnkolînerê navdar ê Fransî, derhişî ( unconscious ) weke zimên hatiye avakirin — "the unconscious is structured l...

  Nêrîneke Derûnkolînerî (Psychoanalytic Perspective) Destpêk Di sedsala 21an de faşîzm dîsa diçe warê xwe yê berê. Ev ne vegerîna forma klasîk a faşîzma dîrokî ye, lê veguherîna û nûveavakirina wê ye li gorî mercên demê ye. Ji bo fêmkirina vê yekê, divê em li bingeha derûnkolînerî ( psychoanalytic ), derûnî û civakî ya faşîzmê binêrin: Çawa «yê-din» ( the Other ) tê afirandin? Çi mekanîzmayên derûnî û hestyarî mirov ber bi faşîzmê dişîne? Çawa propaganda faşîst di cîhana navxweyî ( internal world ) ya takekesan de kar dike? Faşîzm ne tenê îdeolojiya siyasî ye; ew di heman demê de mîmariya derûnî ye ku li ser dijminkirina «yê-din» tê avakirin. Di welatên ku Kurdistan dagirkirine de ev mîmarî bi taybetî li ser kurdan wekî «yê-din» ya herî sereke hatiye avakirin. Faşîzm ji şikestbariyên modernîteyê, ji hestên qurbanbûnê, ji krîza lîberalîzmê û ji hewcedariya civakî ya derûn û giyana hevpar sûd werdigire. Avakirina «Yê-Din» Mekanîzmayên Bergiriyê û Rengvedan (Projection) ...