Brahîmê Alûcî براھیمێ ئالووجی

Destpêk Rageşî û raman û fikirîna zêde (excessive thinking) ya berdewam di qada derûn û derûnnasiyê (psychology) de wek mijarên girîng tên dîtin. Ev rewş ne tenê bandorê li ser tendirustiya derûnî (mental health) dikin, lê her wiha dikarin rûdanên jiyanê yên girîng jî bi awayekî neyînî bandor bikin. Lêkolînên dawî nîşanî me didin ku rageşî û ramana zêde dikarin bibin sedema geşedana nexweşiyên derûnî (psychological disorders) û pirsgirêkên tendirustiyê yên din (Bandelow û hevkarên xwe, 2017). Ev rewş bi taybetî di civakên modern de ku zext û pêşbazî di nav jiyana rojane de cih digirin, bêhtir berbelav dibe. Li gorî bîrdoziya venasînî-reftarî (cognitive-behavioral theory), rageşî û ramana zêde bi awayê fikirînê û tefsîrkirina rûdanên derdorê ve têkildar in (Beck & Clark, 1997). Mirov carinan rûdanên normal ên jiyanê wek tehdîd an metirsî tefsîr dikin û ev yek dibe sedema destpêkirina çerxeke neyînî ya raman û hestan. Ev çerx dikare bibe sedema geşedana nexweşiyên weke depresyonê...

  Têgeh (Kurdî) Îngilîzî Şîrove Derûnnasî Psychology Zanista ku reftarên mirovî, hişmendî û pêvajoyên derûnî lêkolîn dike Reftar Behavior Her tiştê ku mirov an ajal dike û dikare were dîtin û pîvandin Hişmendî Consciousness Rewşa zanîna mirov ya li ser xwe û derdora xwe — "ez dizanim ku ez hebim" Binhiş Subconscious Beşa hişê ku em jê tam hay nînin, lê bandorê li ser reftarên me dike Derhiş Unconscious Li gorî Freud, kûrtirîn beşa hişê ku meyl, xof û bîranînên veşartî tê de ne Hest Emotion Rewşên derûnî yên wekî şahî, xem, tirs, hêrs ku di laş û hişê me de çêdibin Bîr Memory Kapasîteya tomarkirin, parastin û vegerandina agahiyan Ramandin Thinking Pêvajoya çareserkirina pirsg...