Skip to main content

Posts

پەندی پێشینان

  ئاردی بدە ئاردبێژێ، باھەندێکیش بڕێژێ ئاش لە خەیاڵێک و ئاشەوان لە خەیاڵێک ئاشی نەزان خوا ئەیگێڕێت ئاغای گوندی ڕێی بە گاوانی گوندی دەکەوێ قەدری زێڕ لای زەڕەنگەرە من ئاغا و تۆ ئاغا، ئەی کێ جێمان بۆ ڕاخا؟ ھەموو کەس لە شەڕواڵی خۆی دا پیاوە ماسی لە بەحرا سەودا ناکرێت بۆ ڕیش چوو سمێڵیشی دانا ھەموو شتێک بە خوێ، خوێش بە مانا بار بە لاباران قەت ناگاتە ھەواران قسە زۆر بکڕە، کەم بفرۆشە تا خاوەن ماڵ دزی گرت، دز خاوەن ماڵی گرت سەرێکی ھەیەو ھەزار سەودا ئاردی بدە ئاردبێژێ، باھەندێکیش بڕێژێ تاخۆت دۆست نەبی، کەس نابێ بەدۆست، چەپڵە لێ نادرێ بە تەنھا یەک دەست ئەوەی بە بڵندان بڕوانی، بە ناویاندا دەکەوێ ھەتا گوندۆر گوندۆر بوو خزمێ مە گەلەک زۆر بوو، گوندۆر ھاتە بڕانێ خزم ھاتەنە قڕانێ ئەوەی بەرز بفڕێت نزم ئەنیشێتەوە کەرە مەمرە بەھارە کورتانت بۆ دێت لە شارە ئەو کەسە ژیرە، پیری لە بیرە نان ئەو نانەیە ئەمڕۆ لەخوانە نان بۆ نانەوا گۆشت بۆ قەساب نان خۆرت بمرێ بەس مشور خۆرت نەمرێ سەری بێ دەلاک مەتاشە سەری لە بەر ھەتاو سپی نەکردووە سەری نایەشێت پەڕۆی لێ بەستووە. ئەوەی دەتگرێنێت دۆستە، ئەوەی کە پێت پێ ئەکەنێ دوژ...

Ji xelkê re...

 Ji xelkê re ... Ji xelkê re masîgir e, ji min re kosîgir e. Ji xelkê re edet e, ji min re qebhet e. Ji xelkê re cih û war e, ji min re erdê sar e. Ji xelkê re dengbêj e, ji xwe re ker û gêj e. Ji xelkê re find û şemal e, ji xwe re dawidê şekal e. Ji xelkê re hevîr in, ji xwe re kevir in. Ji xelkê re şîr in, ji xwe re şûr in. Ji xelkê re yar e, ji min re neyar e. Ji xelkê re xerat e, ji xwe re malmîrat e. Ji xelkê re hût e, ji xwe re kût e. Ji xelkê re gul e, ji xwe ra kul e. Ji xelkê re rêzane, ji xwe re nezane. Ji xelkê re jîr e, ji xwer kwîr e. Ji xelkê re baran in, ji xwe re teyrok in. Ji xelkê re hêkan dike, ji me re zelqan dikin. Ji xelkê qoç in, ji xwe re biqiloç in. Ji xelkê re aş in, ji xwe re şaş in. Ji xelkê re dost û yar in, ji xwe re gur û mar in. Ji xelkê re dost û yar e, ji xwe re gurê har e. Ji xelkê re zîv û zêr in, ji xwe re şêr û mêr in. Ji xelkê re pirbêj e, ji me re ker û gêj e. Lextê me dixwe, ji xelkê re hêka dike. ...

HIN GOTINÊN APÊ OSMAN SEBRÎ

  HIN GOTINÊN APÊ OSMAN SEBRÎ  Wêne: A pê Osman Sebrî û Şadiye Xanim Mirovê ku bi zimanê xwe re bendewar nebe, nikare îdi'a bike ku ew ji welatê xwe hez dike. Neteweyetî ziman e û hinek adet in, ne tiştekî dinê ye. Xwîna me gişka yek e. Merov ku ehmiyetê nede zimanê xwe, di jîna neteweyî de tune ye. Ên ku du roj dest bi ziman kirine xwe feylesûf dihesibînin. Karê nezana holê ye. Ziman wek asoyê behrê ye, nêzîk xuyanî dike, lê tu çiqas diherî tim ew e. Heya merî pirr bi nava ziman de neçe, merî ehmiyeta ziman û mezinatiya ziman nizane .   Tu carî nayê bîra min û nakeve 'eqlê min ku miletek gî li ser fikrekê here . Gava here, me'na xwe keriyek pez e, ne tiştekî din e . Divê em her kes bi fikra xwe xizmetê welatê xwe bikin. Rêya xizmetê welat ev e ku em şerê hev nekin. Yek dikare mîna te nefikire, tu jî dikarî mîna wî nefikirî. Bila mîna xwe bifikire, lê ji bo welatê xwe… Lê, a ketiye serê birayê me yê Kurd ew e ku dixwaze ille tu mîna wî bifikirî ....

Welatparêzê hêja, Apo (Osman Sebrî)

  Apo : Tu çi dixwazî bipirsî ez ê ji te ra bersivekê bidim. A. : Em ji xwe ra bipeyvin. Apo : Em bipeyvin, serçava.   Bi tevahî şîreta min ji hemî Kurdan ra ev e ku em şerê hev nekin. Tu carî nayê bîra min û nakeve 'eqlê min ku miletek gî li ser fikrekê here . Gava here, me'na xwe keriyek pez e, ne tiştekî din e . Divê em her kes bi fikra xwe xizmetê welatê xwe bikin. Rêya xizmetê welat ev e ku em şerê hev nekin. Yek dikare mîna te nefikire, tu jî dikarî mîna wî nefikirî. Ne şert e ku bibê: "Na, illa bila mîna min bifikire, ya bila mîna ê din bifikire". Bila mîna xwe bifikire, lê ji bo welatê xwe û ji zarokên xwe ra dîsa ez vê wesiyetê dikim: "Wek xwe bifikirin, bes xizmetê welatê xwe bikin, bi 'eqlê xwe û bi fikra xwe". Gava ez bînim merivekî mecbûr bikim ku were mîna me bifikire, ew fikra ne tiştekî rast e. Lê, mîna xwe bifikirin. Em dikarin bêjin: "Ji me ra baş be, xirabiya me meke, bira em birayê hev bin". Eva mumkun e. Lê, a keti...