Brahîmê Alûcî براھیمێ ئالووجی

Dahûrîneke Berawirdkirî ya Fîlmên "The Whale" û "Apples" Destpêk Derûnsînema ( p sy chocinema) weke rêbazeke terapotîk di nav praktîsyenên tendirustiya derûnî de cihekî girîng girtiye. Karanîna fîlman di derûnterapiyê de dikare ji nexweşan re derfetên girîng ên têgihiştinê, hestkirinê û çareseriyê pêşkêş bike. Lêbelê, hilbijartina fîlmên guncav ê ku bi armancên terapotîk re li hev bikin, pêdiviya wê bi prensîb û krîterên zelal heye. Ev xebat du nimûneyên dijber ên hêviyê di fîlmên nûjen de dahûrîn dike: "The Whale" (2022) û "Apples" (2020/2022). Di vê dahûrînê de, em ê prensîbên bingehîn ên hilbijartina fîlman ji bo karanîna terapotîk û bandorên wan ên li ser nexweşan şîrove bikin. Prensîbên Bingehîn ên Derûnsînemayê 1. Gihîştina Hestyarî Fîlmek divê ji hêla hestyarî ve gihîştî be ku temaşevan bikaribe bi karakteran re têkiliyê deyne. Weke ku Danny Wedding û Ryan Niemiec (2014) di kitêba xwe "Movies and Mental Illness" de de...

Destpêk Xapandina mezin a bîrê Bîranîn ji me re weke tiştek pir hişmend û rasteqîn xuya dibin. Em wisa difikirin ku ew weke fîlmên ku di serê me de hatine tomarkirin in û gava ku em dixwazin, em dikarin wan bi têkûzî û bêveguhertinê bibînin/bînin. Ev fêm û têgihiştina me ya xapandî ye. Pirraniyên me wisa difikirin ku bîranên me bi awayekî rasterast ji navendeke mexzenê ya mejî têne wergirtin, weke ku em dosyeyekê ji kompûterekê vekinin an jî kitêbekê ji refa kitêban hildaqurtînin. Em wisa bawer dikin ku dema ku tiştek rûdide, ew bi têkûzî di mejiyê me de tê tomarkirin û paşê em dikarin wê bîranînê bi heman şêweyê vegerînin. Nivîskarê navdar Julian Barnes di berhema xwe ya nû ya ne-çîrokî "Changing My Mind" (Mejiya Xwe Diguherînim) de diyar dike ku ew weke zarokekî difikirî ku bîr weke ofîseke hiştina amûran dixebitî. Di vê ofîsê de, gava ku rûdaneke girîng di jiyana me de çêdibe, em li ser girîngiya vê rûdanê biryarekê bi lez di binhişiya (subconscious) xwe de didin...

Destpêk Çîroka Şêr û Mişk yek ji çîrokên kevnar ên herî navdar e ku di nav çandên cihêreng de hatiye veguhestin û ji nifşa derbasî nifşan bûye. Ev çîrok ne tenê çîrokeke sade ya zarokan e, lê herwisa xwedî kûrahiya derûnî ye ku mijarên girîng ên weke dînamîk û şîkarên hêzê, veguherîna karakter û geşedana derûnî vedibêje. Di vê nivîsê de, em ê bi rengekî şîkarî û dahûranî (analîtîk) li ser hestên bingehîn ên karakteran, veguherînên derûnî yên ku di nav çîrokê de çêdibin û peyamên ku ji bo fêm û têgihiştina civakî û takekesî girîng in, rawestin. Herwisa em ê li ser şîrovekirina vê çîrokê di çandên cuda û ya kurdî de bisekinin û bêjin ka çawa ev peyamên kevnar dikarin di civaka modern de jî bi kêrhatî bin. Girîngiya vê çîrokê ne tenê di wê de ye ku ew çawa perwerdehiya sincî û axlaqî dide, lê herwisa di wê de ye ku ew çawa rastî û realîteyên derûnî yên tevlihev ên jiyana mirov nîşanî me dide. Çîroka Şêr û Mişk Şêrekî mezin di nav daristanê de razayî bû. Serê xwe yê giran li ser...

Destpêk Şikefta Şanîderê yek ji girîng cihên arkeolojîk ên cihanê ye ku li Herêma Kurdistanê ye. Ev şikeft bi kişfên xwe yên derbarê jiyana Neandertal û hestên mirovahiyê navdar bûye û ciheke girîng e ji bo fêm û têgihiştina jiyana mirovên kevneşopî (paleolithic). Navê "Şanîder" ji du peyvan pêk tê: "şane" ku tê wateya malê û "der" ku tê wateya vebûnê yan deriyê - ku bi hev re tê wateya "deriyê malê". Li hin çavkaniyên folklorê de tê gotin ku ji ber ku li şaneya çiyê dikeve ev nav lê hatiye kirin. Bîrkirinek din heye ku navê Şanîderê vegere ser gundê ku ji wir nêzîk e. Bîrkirinek lawaz jî heye ku dibêje peyva Şanîderê tê wateya cihê veşartina padşahan. Cih û Nîşan Şikefta Şanîderê li çiyayê Bradost dikeve ku girêdayî bajaroka Mêrgêsorê ye, bi dûrahiya 145 kîlometre li aliyê bakur-rojhilatê bajarê Hewlêrê dikeve. Li rojava vê şikeftê zêya mezin heye ku bi 3 kîlometre ji wê dûr e, li rojhilatê jî Mêrgêsor heye, li başûr-rojhilatê jî gundê...