Dinya ne sal û carek e.

 

Dinya ne sal û carek e.

Di dostaniyê de, cihê dijminantiyê; di dijminantiyê de, cihê dostaniyê bihêlin.

Yê neke hesaban, wê bibîne ecêban/ezaban.

Gotin: Kevjalo, tu çima xwar bi rê ve diçî: Got: Ji bavûkalan de ye.

Adar e dew li dar e, ne li vir e li çiyayê şingal e.

Adar e, serê sibê sar e, ji nivro pê de kûçik xwe davêje ber sîya dîwar e.

Adar e, hişk e dar e, danek sar e yek evar e.

Dinya diqede, derew naqede.

Bila şaristan be, ne goristan be.

Bibare bihar e, nebare xedar e.

Bibare xweş e, ne bare reş e.

Çi li pişta te ye, ew li pêşiya te ye.

Qîza kerê ser bêderê, kayê dixwe nade kerê, ker guneye bavê te ye.

Kûçik rewîna xwe zane, kerwan rêya xwe zane.

Reş bi reş keniya, reş çû bi eletewş keniya.

Miriyê ser rûyê erdê ye.

Bindest û serdest nabin yek dest.

Mala rik û bahsê, wê rake tûrê parsê.

Berê xwe bidin merdan, hûn nabînin kul û derdan.

Tu ti hesabî ji xwe nekî, kes ti hesabî ji te nake.

Ji kesî re qala birîna xwe nekin.

Menêrin li deviyê sukura û li keçikê daweta.

Kok ji me ye, kat ji we ye.

Mêr ji dîtinê, jin ji gotinê bawer e.

Teyrê jara jî jar e.

Teyrek hebû, teyra gişî di ser wî de zelq dikirin; wî jî di ser çêlikên xwe de zelq dikir.

Qencî kurê kerê ye.

Kerwanê nav êlê ye.

Ya li cem Xwedê ye, kesî hay jê nîne.

Ya mêr radike jî jin e, ya mêr dadixe jî jin e.

Ya Xwedê bernede.

Alvêra heywana kab e; çê jî tê, xirab jî tê.

Emanet, heya qiyamet.

Aqil di seriya de ye, ne di riya de ye.

Agirê zivistanê axa ye.

Av di şala de nasekine.

Her kes lawê bavê xwe ye.

Bavê kesî ji bavê kesî ne mestir e.

Bayê kurr, heyvanê baranê ye.

Benê li pêy şûjinê here.

Berê star, dûre debar.

Berxê pir, ji miyê pir.

Buxtan (bêbextî), ji çiya mezintir e.

Bi text alî brê xwe bike, bi bext alî dijminê xwe bike.

Bi textê xwe nelîze.

Bi qehpika re neke qal, wê te ji kosiya bîne fal.

Bi rextê pişte, bi hevîrê teştê lec nabe; lec bi pera dibe.

Bigere gundai bibîne rinda.

Emrê ciwan, bihar e.

Mal tê can nayê; bila bi mal be, ne bi can be.

Bila zirav û dirêj be, ne qut û qalin be.

Bila hindik be, bila rindik be.

Bila konê min li nav êlê be, şelta min li kerê be.

Bila dem ji te bimîne, tu demê nemîne.

Bila mirov li ser dara be, ne li ser zara be.

Bila mirov wehîdê hebûnê be, ne yê tunebûnê be.

Bêkes be, ne bênefs be.

Xesrandî be, ne hetkandî be.

Derd û kula tev raneke; brîna nû neke.

Brîndar bi brîna xwe zane.

Bizin bi bizintiya xwe cihê mexelê xwe çê dike.

Bû ax, mebê wax.

Bû, cih û war; nebû, koç û bar.

Cinet û cehnem mala mirov e.

Çav ji nêrînê têr nabe.

Çavzer hebin, çavreş pirr in.

Başî wenda ye, xirabî xuya ye.

Pez hebe, wê bimre; mal hebe, wê here.

Çira kesî heta sibê vêketî namîne.

Zor zorê vedigerîne.

Danûya mebe pêşiya birçiya, berfê mebe pêşiya tiya.

Gilî lê ye, gazinc jê ye.

Derba şeva belaş e.

Derdê birçiyan tim û tim  nan e.

Derdê qerêş, av here ser êş.

Derew li miriyan dibe, li zindiyan dibe.

Destê bi tenê deng jê nayê.

Desthilanîn fereca xêrê ye.

Dew hebe, dewkil pirr in.

Nan hebe, nanpêj pirr in.

Dewbir e, lê mepirse bikire.