GEŞEDANÊN NÛ YÊN OPEN-AI DI WARÊ HIŞÊ ÇÊKIRÎ-HÇ DE

OpenAI, bi geşedanên xwe yên di qada teknolojiya hişê çêkir – HÇ (artificial intelligence - AI) de, modelên nû yên 03 û 03-biçûk weşand. Ev modelên nû, ji bo çareserkirina arîşe û pirsgirêkên tevlihev û ramana mantiqî ya mîna mirovan, ji modeleke din ya nûjen a zimanê xwezayî çêtir in û di destpêka sala 2025an de dê bên bikaranîn.

Modela nû ya hişê çêkirî ya OpenAI, bi navê o3, li ser ezmûnek taybet a ramana hişê çêkirî bi navê "ARC Challenge" pileke bilind a nû destkeft. Ev encam, hin hezkirên hişê çêkirî şande ku raman o3 gihiştiye ramana hişê giştî yê çêkirî – HGÇ (artificial general intelligence - AGI). Lêbelê, herçend rêxistinên ARC Challenge vê serkeftinê wekî gavê mezin binav kirin, ew hişyariyê san ku o3 hêj ji bo xelata mezin a pêşbaziyê nehatiye hilbijartin û ev tenê gaveke li ser rêya HGÇ (AGI) ye. HGÇ, termek e ji bo ramana hişê çêkirî ya hîpotetîk a siberojê ye ku bi zêdehiyê mîna mirovan e.

Modela 03, wekî yek ji hêza herî mezin a ramana hişê çêkirî ya OpenAI tê binavkirin. Bi rêbaza "zincîra ramanê ya taybet", model dikare berî çêkirina bersivan, daneyan dahûrîn bike û binirxînê. Ev model, di karên mantiqî de performansa bilind destnîşan dide. Bikarhêner dikarin dema ku model dê li ser pirsgirêkekê bixebite, diyar bikin.

Modela 03, bi sê modên cûda yên hesabkirinê (nizm, navîn, bilind) tê peydakirin. Moda hesabkirina bilind bersivên herî rast ên bi demdirêj peyda dike, lê moda nizm bersivên bilez ên bi demkurt peyda dike. Modela 03-biçûk, ji bo karên taybetî hatî optîmîzekirin û bi hêza hesabkirina kêmtir bersivên bilez û bandor peyda dike. Ev model, ji bo bikarhênerên ku dema wan sînordar e, efîsyansa bilind peyda dike.

Modela 03, bi taybetmendiyên ji bo ewlehiya mirovan re hatî çêkirin. Berî çêkirina bersivan, polîtîkayên ewlehiyê nirxandinê dike da ku bersivên xeter û xelet nedin. Ev model, ji bo zarokan û mijarên gengeşîdar jî bersivên guncav peyda dike. OpenAI, bi vê geşedanê re, teknolojiya zimanê xwezayî ya hişê çêkirî vediguherîne û dibe sedema veguherînek mezin di teknolojiyê de.

Encam

Di warê ewlehiyê de, OpenAI di her du modelan de jî girîngiyeke taybet daye parastina nirxên mirovî û ewlehiya bikarhêneran. Berî ku bersivek were afirandin, model polîtîkayên ewlehiyê bi awayekî berfireh kontrol dike da ku tu bersivên xeter an jî xelet neyên dayîn. Herwiha, di mijarên ku ji bo zarokan û ciwanan hestyar in de, model dikare naveroka xwe li gorî temenê bikarhêner adapte bike û bersivên guncaw pêşkêş bike.

Bi van geşedanên watedar, OpenAI di warê teknolojiya zimanê xwezayî (natural language technology) de gaveke mezin pêş ve avêtiye. Ev pêşketin ne tenê ji bo siberoja hişê çêkirî, lêbelê ji bo hemû warên teknolojiyê wekr destpêka serdemeke nû tê nirxandin.

Çavkanî

·         New Scientist

·         OpenAI

Termên Bingehîn

Hişê Çêkirî - HÇ (Artificial Intelligence - AI): Teknolojiya ku rê dide kompûteran ku weke mejiyê mirov bifikirin û fêr bibin. Ev teknolojî dikare daneyên mezin dahûrîn bike û biryaran bide.

Hişê Giştî yê Çêkirî - HGÇ (Artificial General Intelligence - AGI): Asta herî bilind a hişê çêkirî ku dikare mîna mejiyê mirov di her warî de bifikire û tevbigere. Ev yek hê negihîştiye rewşa rastîn û weke armanca siberojê tê dîtin.

Zimanê Xwezayî (Natural Language): Zimanê ku em mirov di jiyana rojane de bikar tînin. Di warê teknolojiyê de, ev term tê wateya ku kompûter dikare zimanê mirov fêm bike û bersivan bide.

O3: Modela sereke ya nû ya OpenAI ku xwedî hêza herî mezin a ramanê ye.

O3-biçûk: Guhertoka biçûktir û çalaktir a O3yê ku ji bo bikaranîna rojane hatiye amadekirin.

Zincîra Ramanê ya Taybet (Special Thought Chain): Rêbaza ku O3 bikar tîne ji bo ku berî bersivdanê hemû daneyên pêwendîdar dahûrîn bike û biryareke rast bide.

Moda Bilind (High Computation Mode): Moda ku bersivên herî kûr û berfireh dide lê demeke dirêjtir digire.

Moda Navîn (Medium Computation Mode): Moda ku hevsengiyê di navbera lez û kûrahiyê de pêk tîne.

Moda Nizm (Low Computation Mode): Moda ku bersivên bilez dide lê ne ewqas kûr e.

ARC Challenge: Ezmûnek girîng e ku ji bo pîvana hêz û şiyana ramana hişê çêkirî tê bikaranîn.

Çakkirin (Optimization): Pêvajoya başkirina performansa modelekê ji bo karekî taybet.

Polîtîkayên Ewlehiyê (Security Policies): Rêbaz û prensîbên ku ji bo parastina bikarhêneran û pêşîlêgirtina bersivên xeter têne bikaranîn.

OpenAI: Kompaniya pêşeng di warê hişê çêkirî de ku O3 û O3-biçûk afirandiye.

Teknolojiya Zimanê Xwezayî (Natural Language Technology): Beşek ji hişê çêkirî ye ku bi taybetî li ser fêmkirin û bikaranîna zimanê mirovî dixebite.